बहुरुपी बाबुराम र नयाँ शक्तिको रेल

बिहिबार, पुस ७, २०७३

loading...


नेपाली राजनीतिमा कुनैबेला उच्च आदरणीय र आदर्श पात्रका रुपमा छवि बनाएको नाम हो डा.बावुराम भट्टराई । नेपालको आउने परिवर्तन र बाबुराम भट्टराईलाई कुनैसमय पर्यायवाचीका रुपमा पनि जोडे केहीले । कांग्रेस एमालेले देखाएको राजनीतिक चरित्र विरुद्ध उभिएका भट्टराई प्रधानमन्त्री हुँदासम्म आशा लाग्दा पात्रका रुपमा परिचित नै थिए ।

तर, प्रधानमन्त्रीको सत्तारोहरणसँगै खस्किएको उनको कदम नयाँशक्तिको रेल देशभर कुदाउने सपनासँगै झन घटेको छ । नरुचाइएको राजनीतिज्ञमध्ये उनी एउटा प्रमुख पात्रका रुपमा अघि देखिएका छन् ।

बाबुरामप्रति आशा बाकेर पक्तिबद्ध लाइनमा उभिएका तन्नेरीहरु त्यही लाइनबाट अर्कोतिर मोडिएका छन् । समाज परिवर्तनको सपना बाडेर मुलुकलाई १२ बर्ष युद्धमा धकेलेका बाबुराम अहिले समाजवादको सपना देखाएर नयाँशक्तिको रेलको चालक बनेका छन् । स्वाधीनता र सार्वभौमिकता २) समावेशी र समानुपातिक र सहभागितामूलक लोकतन्त्र ३) समतामूलक समृद्धि ४) समुन्नत समाजवाद र ५) सदाचार र सुशासन सुसंस्कृति पाँच स सँग जोडिएका नारा आकर्षक छन् । तर भट्टराईको बहुरुपी चरित्रले ती नारा ब्यबहारमा आउने कठिन देखिन्छ ।

बाबुरामका बहुरुप

आम मान्छेको भरोसा र आशासँग जोडिएका पात्र कसरी अचानक अरुचीमा परे ? उनको सिद्धान्त, योजना, भनाई र गराइबीचको तालमेल मिलेको छैन । जीवनशैलीबारे जस्तो उनको विचार बाहिर आउँछ भित्र निकै भिन्न छ ।   आफूलाई इमान्दार देखाउन मुस्ताङ गाडीमा सयर गरेका उनले प्रधानमन्त्री भएकै बेला हेलिकोप्टर यात्रामा दुई करोडभन्दा बढी खर्च गरेका थिए ।

अहिले बाबुराम नयाँ शक्तिमार्फत नयाँ योजनाको विकुल फुकेर राजनीतिक मैदानमा बसलियो खेलाडी बन्ने अभियानमा छन् । तर पुराना जनताकाबीचमा नयाँ नागरिकको खोजी बाबुरामले कसरी गर्लान ? हजारौ जनतालाई बलिदान दिन बलिराजाका रुपमा परिचय बनाइसकेका बाबुराम अहिले अल्पसंख्यक, पिछडा वर्ग, अशिक्षित, वेरोजगारहरुको मुक्तिदाता बन्न खोजेका छन् ।

सुकिला मुकिला र धनाड्यसँग गहिरो साँठगाँठ, करिष्माजस्ता करिष्माहरुसँगको बसउठ, ठूला व्यापारीसँग हिमचिमले उनले भनेको विपन्नहरुका बस्तिमा जनवाद कहाँबाट कसरी आउछ ? त्यो उनी प्रधानमन्त्री भएका बेला दलितहरुका घरमा बास गरेको नाटकीय मञ्चनबाट देखाइसकेको छ । ‘विचरा’ दलितहरु अहिले झन कठिन मोडमा छन् ।

४० सुत्र राखेर सरकारसँग वागेनिङमा लागेर माग पुरा नभएपछि जंगल हिडेका बाबुरामले बितेका २० वर्ष देशलाई कता पुरयाए ? लाखौ मान्छेले दुःख पाए, हजारौ मारिए तर बाबुरामको शरिरको रौसमेत हल्लिएन अथवा उनको कुनै दुःख बेहोर्नु परेन । किन ? यो पाटोलाई समाजले खोजी गर्नुपर्छ ।

निमुखा, निम्छरो नागरिकको साथी बन्ने आशाका रुपमा रहेका बाबुराम जब प्रधानमन्त्री बनेपछि के गरे ? अहिले आफुले सत्तामा रहँदा गर्न खोजेको तर गर्न नसकेको सूची बोकेर उनी नयाँ शक्तिको रेलमा यात्रा यात्रु हुल्ने प्रयत्नमा छन् । जनयुद्ध गलत थियो उनले भनिसकेको छन् तर गलत अवस्थामा उठाएकै एजेण्डा खल्तिमा किन बोकेका छन् ?

संविधान कार्यान्वयनका ‘खलनायक’

काठमाडौंका सडक विस्तार, हेल्लो सरकार, जनतासंँग प्रधानमन्त्री, प्रधानमन्त्रीसँग सिधा कुरा, राष्ट्रिय गौरवका आयोजनामा प्रधानमन्त्रीको सिधा चासो तत्कालीम मुख्य सचिव लिलामणी पौड्यालको योजनामा कार्यक्रम आएका हुन । तीनै कार्यक्रम पनि उनले डोर्याउन सकेनन ।

आफ्नो प्रधानमन्त्रीत्व कालमा उनले भारतलाई खुसी पार्नका लागि गरेका थुप्रै काम मध्ये भारतीय दूतावासले सोझै ५ करोडसम्मका परियोजना सञ्चालन गर्न पाउने, बिप्पा सम्झौता, पशुपतिमा भारतीय भट्ट नै हुनु पर्ने आदि कामहरु अहिलेसम्म पनि जनस्तरबाट आलोचित छन् । तिनै कामका कारण अहिलेसम्म पनि उनी भारतीय पक्षबाट खेलिने खेलाडीको एउटा पात्रका रुपमा देखिएका छन् ।

देश अहिले राजनीतिमक कोमा छ । यसको दोष अहिले प्रमुख दलका रुपमा रहेका तीन नेताको टाउको थुपार्न खोजिएपनि पर्दाभित्रका पात्र बाबुराम भट्टराई हुन । दक्षिणको इसारामा गरिएको संविधान सभा विघठनकै विन्दुबाट देश यो ठाउँमा आइपुगेको छ ।

अहिले फेरि उनी सहजकर्ताको शैलीमा संविधान असफल पार्ने खेलमा छन् । मधेसी मोर्चाका नेताहरुलाई उनले हतियारका रुपमा अघि सार्न खोजिरहेका छन् । उपेन्द्र यादवसँगको साठगाठ पार्टी एकता त्यही पृष्ठिभूमिमा बाहिर आएको छ ।

1832 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Janamat health right side Samsung health right side bottom Below blog adv